نـــــــــــــــــــــكـــــــــــــــــــــت

لسلام عليكم ورحمة الله وبركاته

ابدأ كلامي بالصلاة على سيدنا محمد واله واصحابه وسلم

اخترت لكم مجموعة من االنكت

أتمنى ان تنال اعجابكم

---------------------------------------------------------------------------------------------------------------------
امرأة سولات جارتها ما السبب في نعومة يديك ؟
فأجابتها ، أنا استعمل نعمان في غسل الأواني و التصبين
فقالت المرأة : وفين تايتباع هذا المسحوق؟
فقالت الجارة: نعمان هو سميت راجلي
---------------------------------------------
واحد قال لأمه أنا خارج ماتحتاجي والو ا؟
قالتله: ربي يحفظك ويبعد عليك بنات الحرام
قالها : صافي آ لواليدة مابقيتش خارج
---------------------------------------------
ولد صغير قال لجداتو: أمي عندك سنينات؟
قالتلو: منين ياولدي طاحولي كلهم
قال لها: خلي هاد تفاحة عندك حتى نجي
---------------------------------------------
واحدة ولدها ضاع بدات كتبكي و تغوت ؛ جا واحد الراجل قالها : ماتقلقيش راسك آلشريفه.... الحلال عُمرو يضيع فصرخت بكل ماإستطاعت من قوة و قالت : أأأأأأأأأأأأأأأأأويليــــــــــــــــي الولد مْشا
---------------------------------------------
قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد
كيبسال عليا
قال لها الأستاذ: إيوا راه خاص توصلي بكري ماشي تعطلي
جاوباته: لااا..راه كان كيتمشى بشويا

---------------------------------------------
هدا واحد سراق الزيت(صرصار) سولوه.قالو ليه: اشناهي الامنية ديالك؟
قال ليهم:نموت موتة ديال الله.(مسكين ديما عافطين عليه)

---------------------------------------------
هدا واحد خاينه داير صنارة في القرقارة و جالس.
لي تايدوز كيقول الله يستر.واحد الفضولي دايز.سولو قال ليه:أشنو كاتصيد؟
قال ليه:عطيني 100 درهم و نقول ليك أشنو تنصيد.
عطاه 100 درهم و قال ليه دابا أشنو كتصيد.
قال ليه:كنصيد لكوانب بحالك


---------------------------------------------
قالك هدا واحد المعلم طالع ليه الدم باغي غير شي تلميد يصلخوا
و هو يقول ليهم رسموا ليا تران غادي
كلشي ناض و معرفشوش أشنو يرسمو شبعهم عصا
و هي تجي نوبة ديال واحد المسطي وهو يرسم ليه سكة
مني قال ليه المعلم فين تران قال ليه راه مشا


---------------------------------------------

هادا واحد مشى لهولندا، هو ماتيعرفش الهولندية، يالله تايعرف صباح الخير هي الداخ،
وصل تماك بالليل وناض الصباح بكري تيدور بوحدو وتيتسنى يدوز شي واحد
باش إقول ليه الداخ، شوية دازت واحد النصرانية وسبقاتوا قالت لو الداخ
معرفش باش إجاوبها وقاليها : دردلاخ

---------------------------------------------
وحد المعلم سأل واحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

---------------------------------------------
واحد دخل للقهوة وقال للنادل: عندك قهوة باردة؟ يقولو: لا ,
زاد جاه غدا وقالو كيما المرة اللولة ورد عليه : لا,
وعاد كل يوم يقولو: عندك قهوة باردة؟
واحد النهار قال النادل: والله تا نوجّدلو قهوة باردة قبل ما يجي,
ومن بعد ساعة جا الزبون وقال: عندك قهوة باردة؟ قالو: نعم,
قاليه: سخّنها وجيبها لي


---------------------------------------------

بوجمعة حل واحد القهوة جديدة و كتب فوقها
BMC
جا لعندو المراقب قال ليه : علاش سميتها
BMC
: جاوبو بوجمعة
B بوجمعة
M مول
C كافي
يعني بوجمعة مول الكافي
و هو يقول ليه المراقب : ولكن هاد السمية راها ديال البنكة، وإيلا ما بدلتيهاش من هنا ل 3 ايام، غادي ندخلوك لحبس
ملي دازت 3 ايام رجع عندو المراقب و لقاه زاد لها
MMB
ولات
BMCMMB
و هو يسول بوجمعة: اش كتعني دابا ديك السمية؟
جاوبو بوجمعة : بوجمعة مول الكافي...ماشي مول البنكة


---------------------------------------------

واحد الراجل سول ولدو: شكون كتبغي كتر؟ أنا أولا ماماك؟
قال ليه ولدو: كنبغيكم بجوج
قال ليه باباه: واخا، دابا أنا إيلا مشيت للميريكان، وماماك مشات لباريس، مع من غادي تمشي؟
قال ليه ولدو:معلوم نمشي لباريس حيتــــاش زوينة بزاف
قال ليه باباه: واخا، دابا أنا إيلا مشيت لباريس، وماماك مشات للميريكان، مع من غادي تمشي؟
قال ليه ولدو: الميريكان
قال ليه باباه: يعني نتا تابع غير ماماك
قال ليه ولدو: لا ولكن مادام مشيت لباريس قبل، علاش نعاود نمشي ليها

---------------------------------------------

ثلاثة ديال الكسالى مشاو يدوزو امتحان. ملي سالاو، كل واحد سول لاخور آشنو دار

الاول قال ليهوم: أنا خليت الورقة خاوية

التاني قال ليهم: حتى أنا خليتها خاوية

الثالث قال ليهم: صافي مشينا فيها، ملي كلنا دايرين بحال بحال غادي يعرفونا تناقلنا. عولو على السقوط

---------------------------------------------
واحد مكلخ كيقرى صفحة الوفيات ف الجورنال
وكيقول: يا ربي ما نلقاش سميتي هنا، يا ربي ما نلقاش سميتي هنا

سولو واحد المبوق: علاش العروسة كتلبس كسوة بيضة، والعريس كيلبس كومبلي كحل؟
قال ليهم: حيت المرا كتضوي للراجل حياتو، والراجل كيحل على المرا عيشتها


---------------------------------------------

مارأيك يا زائر